教育局局長吳得掂日前發表「易被點名論」，令到行緊街嘅市民見到佢，都忍唔住插把口埋去批評一份。

市民：局長，你真係─好惹火！

吳得掂：惹火？我男人老狗一個，點睇都唔會……

市民：又係你自己講嘅！做教育局局長個位易惹火嘛！

吳得掂：哦……係呀，政策好唔好都有人批評，好易被人點名鬧爆。

市民：咁有冇諗過係你嘅問題？或者你真係做得差呢？

吳得掂：政策唔會有100%嘅人支持，我覺得我做得唔錯喇。

市民：淨係識自我感覺良好，你唔單止惹火，仲令人發火，平時就外訪多多，跨境學童學位問題又搞唔掂……

吳得掂：唉，喺街都畀你捅一刀！

第一手消息請下載on.cc東網iPhone/iPad/Android/Windows Phone Apps