城中鏡：施榮恆諗計挽留滬員工

政府日前證實正同內地有關部門研究「返回機制」，畀雙非人士或持單程證嘅新移民可返回內地取得戶籍。

施榮恆提議有意離港嘅上海籍員工，到佢喺上海嘅公司幫手。

東華三院主席Ivan施榮恆透露，最近佢公司有一名上海籍員工，喺本港讀書同工作滿七年，亦考慮自行離開香港返回內地，主因係維持原有戶籍喺上海買樓，無論價格或做按揭都優惠好多，為咗留住幫得手嘅員工，佢提議對方轉去佢喺上海嘅公司繼續幫手。

返回機制只啱大城市人

Ivan解釋，依家成日要到內地工作，如果有個熟悉內地制度同運作嘅員工，再加上佢哋喺內地有一定人脈，溝通都會暢順好多。

講番「返回機制」，Ivan認為呢個機制會吸引到原本住喺北京或上海等大城市嘅人，對於本身住喺較偏遠地區嘅人，來港後就未必會想返回內地。