特區政府官員多次強調中央唔會撤回全國人大常委會「八三一」決定，泛民主派就堅持否決人大「八三一」框架下嘅政改方案，立法會主席曾鈺成尋日接受電視台訪問時繼續推銷政改，認為全國人大常委會「八三一」決定嘅框架，總比一二年嘅特首選舉進步，又話泛民同港人都應該接受現實，若中央任命不能合作嘅人做特首，香港將「無運行」。曾鈺成今次疑化身風水佬為政改解籤，香港究竟係「有運行」定「無運行」，或者就睇泛民一念之間嘞！
