呢排得個十幾度，凍到少膽虫乜都縮埋，一返到公司，又聽到淫賤黎大叫經典對白︰「扣你分，扣你五十分！」唔通肥豪「作文」又衰咗？點知……「肥豪你做乜唔着衫，淨係攞份《爛果》蔽體？」少膽虫見到肥豪凍到條條揈，揈下揈下……隻手不受控制，真係陰功豬咯。

「少膽虫，你都快啲學肥豪咁！」淫賤黎命令。少膽虫晴天霹靂，「腦細，點解要咁做？」淫賤黎笑謂︰「當份《爛果》係衫，大玩另類制服誘惑，不過你要着好啲，唔係我會扣你分o架。」話訖就邊搓手，邊掬嘴擺耳。

《爛果》終於要深化東瀛風，但點解？點解要男人玩制服誘惑？少膽虫為咗尊嚴，決定豁出去反駁，「腦細，我哋搞反中亂港，點可以掛住玩，應該做吓樣搞公民運動先啱！」

淫賤黎熱淚盈眶，「估唔到少膽虫你都係咁諗，我就係希望你哋着住用《爛果》做嘅制服，藉住呢種制服誘惑嘅熱情，為壹全霉賣命，呢種『公民運動』好崇高呀！」淫賤黎仲趨前，向少膽虫遞上一本《淫語錄》。

少膽虫知道是禍躲不過，惟有大聲朗讀《淫語錄》︰「淫賤黎，『萬衰』！」

第一手消息請下載on.cc東網iPhone/iPad/Android/Windows Phone Apps