九龍城：店舖阻街 食署網頁「禁」舉報
「我平時都會過嗰邊行，間舖頭啲貨擺咗好耐都唔放番入去，我覺得好過分，成日阻住我哋行。本身想向食環署投訴嘅，但係搵埋全個網頁都唔見有舉報阻街嗰項，唔怪得啲舖頭唔驚啦，希望食環署真係可以改善下。」九龍城居民張小姐指出，賈炳達道有生果店將貨物放出行人道，造成阻塞，要求食環署正視問題。
食環署證實有店舖阻街，已向店舖負責人提出檢控。（讀者提供圖片）
食環署發言人指出，當局一向關注該處店舖佔用行人路情況，除每日巡查外，亦會採取突擊執法行動。發言人稱，接獲轉介後派員巡查上址，發現有貨物擺放在該處行人路，造成阻塞，已向有關店舖負責人提出檢控。
發言人補充，過去一年共接獲十六宗相關投訴，並向有關店舖負責人提出共三十八宗檢控，強調會繼續留意上址情況及採取適當行動。
