城中鏡：退休唔沉悶 王以智習「舞」行善
退休唔代表沉悶，如果擁有一個瞓身投入嘅嗜好，更加可以發光發熱添。滙豐私人銀行亞洲區前行政總裁王以智（Monica）係愛舞之人，日前，我哋喺中環見到久違嘅佢，只見佢步履輕盈、精神爽利，狀態好好。
王以智退休後狀態好fit，並以自己擅長的舞蹈協助慈善工作。
Monica當時準備去香港會所食晏，佢望落心情唔錯，佢一向醉心藝術及舞蹈，問到佢近日嘅生活，佢透露一直保持練舞嘅習慣，至於退休之後嘅活動，佢就透露，如果有慈善活動需要佢幫手，佢都會義不容辭，好似早前就出席咗一個跳舞為主題嘅籌款活動，希望盡自己能力回饋社會。
