臨近農曆新年，好多人都開始為歲晚收爐而衝刺，時裝設計師何國鉦透露，佢要為很多客人做婚紗及禮服參加派對，最近真係好忙。至於過年，佢就會偕同契姐鄺美雲Cally及其男友林達民到泰國旅行休息。

何國鉦早前為第十五屆香港鞋款設計比賽擔任頒獎嘉賓。

不過，何國鉦話，即使係去旅行，佢都感到好大壓力：「因為上次去到畀人跟，狗仔隊應該喺房影落嚟，好在嗰次Cally冇落泳池，得我同佢男友，我哋着住泳褲，所以今次都想搵啲私隱度高啲嘅酒店。」

香港貿易發展局香港時裝節2015於前日正式開鑼，何國鉦有份為第十五屆香港鞋款設計比賽擔任頒獎嘉賓，佢話，自己係貿發局成衣委員會會員，原本擔任評判，但因早前自己出國才取消，結果改任嘉賓。

第一手消息請下載on.cc東網iPhone/iPad/Android/Windows Phone Apps