大型超市或便利店透過買滿多少元，便贈送印花乙個，並以印花換取相關的禮品，獲得的印花可否轉售呢？有執業大律師陸偉雄指出，若相關超市或便利店說印花「不得轉讓」，而市民卻用以圖利的話，有可能觸犯「欺詐」罪，最高可入獄十四年，並奉勸市民切勿以身試法，別以為贈品便是免費物品。

陸偉雄

取決於附帶條件

陸偉雄解釋稱，是否會觸犯法例，取決贈送印花的超市或便利店是否列出附帶條件，若列明「不得轉讓」的話，轉讓出售人有可能觸犯欺詐罪，因為「人哋啲原意係要為自家消費者提供優惠，而唔係益其他街外人。」

他以「商場免費泊車」為例，「商場本打算為客戶提供免費泊車服務，是益自己人（客戶）」，不過「有人會走到一些supermarket去執人哋唔要嗰啲單」，「有人以為執就好似冇事，其實唔係」；他續解釋，「你訛稱自己買嘢，再從中攞着數，其實已經係詐騙」，他再舉個例指，「好似超市買一pack洗頭水咁，內附一支小型潤膚露畀你做贈品，唔係免費物品，係唔代表你可以拎去賣或圖利。」

大律師龔靜儀則指出，現時並無任何民事或刑事上的法例規管印花能否轉售，「亦睇唔到佢犯咗邊條法例」，同時「若有關物品屬免費的話，那轉售其實並無多大問題。」

第一手消息請下載on.cc東網iPhone/iPad/Android/Windows Phone Apps