大搜查：超市印花有價 小舖轉售牟利
市民為超級市場、 便利店印花瘋狂，令印花有價，搖身一變成消費品。不少大型超級市場、連鎖店時常以印花換禮品招徠顧客，常見禮品是外國品牌的廚具、旅行用品等，一般家庭主婦認為「一定好過在外邊舖頭買」、「實靚過有得買嗰啲」。 正因如此，有不少人乘勢收集印花，從中圖利，不但有人在網上交收、轉賣，連屋邨小型商舖亦公然出售。
屯門有屋邨店舖大字標明有超市印花出售。
店舖出售的印花。
大型超市不時以印花換禮品吸客。（資料圖片）
店員：仲有好多
屯門一個屋邨商場一間專賣零食的小型店舖，張貼一張告示，上面大字標明「惠康印花，店內有售，$0.5/個」有街坊走進店內，向店員查詢有關售賣印花情況，該名女店員隨即從收銀機下取出一袋裝滿印花的透明膠袋，內裏裝着一卷卷色彩斑斕的印花，儼如在超市收銀機中掏出的原裝印花一樣，該街坊向店員買下六十個印花，女店員還追問「夠不夠？呢度仲有好多﹗」
「平時有好多人嚟呢度買印花，真係好多﹗佢哋都係為咗換篋換煲，無辦法啦﹗實用呀﹗」女店員又補充道，「好似最近咁，啲師奶都話要換篋。」街坊追問有關印花的來源，「哦，都係老闆個朋友攞嚟嘅，佢話啲印花冇用，咪擺喺度賣囉﹗」當街坊問及店方會否廉價收購印花，女店員卻說，「當然唔會啦，依家賣緊嘅印花都只不過係人哋畀。」
超市：難禁轉售
另一名街坊得知該店有超市印花出售後表示，「如果我唔夠印花換嘢，我都會去買啲」，不過，她則質疑店舖何以有大量印花貨源以供出售。
對於印花被其他商戶用以轉售圖利，惠康發言人回應指，發出印花後便屬顧客所有，故難以訂明「不可轉售」的守則；至於會否有內部職員從中取走印花供人轉售，發言人亦指，超市有一套有關派發及處理印花的既定員工守則及指引，並設有監察機制，確保員工確切執行。
而中大市場學系教授冼日明則認為，「就算係法律上，你都無得唔畀人拎去賣」，他解釋，由於印花本身並無登記權，「唔似嗰啲個人機票咁，寫住你個人姓名，又無membership」。
他續解釋，在自由市場下，將收來的印花轉售實無大礙。他更笑言「超市知道應該更加開心，你買六十蚊先得一個印花，有排都換唔到，而且拿出去賣，反而仲刺激到個市場。」
逢星期一至五見刊
