運房局局長炳炳喺街上巧遇市民，市民出咗條難題考炳炳，連炳炳都答到口啞啞，一齊睇吓。

市民︰局長，知唔知邊個城市最難買樓？

炳炳︰條問題咁深嘅，係咪倫敦？定係溫哥華？

市民︰錯錯錯錯錯，係香港呀！

炳炳︰香港？唔係啩，輪公屋就話難啫，買樓都難？

市民︰咪就係樣樣難，一個棲身之窩都難求，點搞呀！

炳炳︰我哋有做嘢o架，啱啱先推出咗一批居屋，反應仲好熱烈！

市民︰至弊僧多粥少，大部分嘅人都仲未上到樓，好心你就起多啲屋啦！

炳炳︰政府又冇魔術棒，唔能夠「點地成屋」，更何況呢啲嘢要慢慢嚟……

市民︰開口埋口淨係魔術棒，真係棒打你吖嗱！我打！

第一手消息請下載on.cc東網iPhone/iPad/Android/Windows Phone Apps