現代人愈來愈重視生活，著名時裝設計師張路路就深有所感，仲話依家嘅客人除咗關心時裝外，亦都十分重視生活嘅品味，所以，佢都夢想設計生活家品，為生活更添姿采。
張路路話設計時裝之外，都想設計吓生活家品。
不過，始終時裝先係佢嘅主業，張路路回顧過去嘅工作，話佢已經有成十年冇舉行過時裝秀：「對上嗰次係二○○六年！」講到時裝業嘅新秀，張路路話長江後浪推前浪，似乎好欣賞新一代設計師嘅意念。至於佢嘅工作，佢就話每次上台都會緊張，所以一定會準備充足。
