假醫生以鹹濕電話進行滋擾，心理學家指，這些人於現實中或是自信心不足的人，希望透過控制他人取得性滿足，又指有人多次得手後，或形成「心癮」，不排除將來會作出非禮或性侵犯等更嚴重罪行。

「佢哋（假醫生）雖然冇直接接觸事主，但如果佢成功控制事主，做出涉及性嘅動作或行為，呢種控制嘅感覺，亦可能令佢得到性滿足。」註冊臨床心理學家鄒凱詩分析，這些人於現實中，應為自我形象低落，又缺乏自信的人，故無膽量從正常途徑認識女性，「所以惟有透過咁異於常態，甚至已經係病態嘅行為嚟滿足性慾。」

或作進一步性侵犯

鄒凱詩又指出，如他們成功多次，或會使他形成「心癮」，不斷重複相關行為，「對佢哋嚟講，咁做又刺激，又唔使錢，仲滿足到性慾，重複再犯嘅機會好大。」

鄒更擔心，重複一段時間後，他們對性的渴求或變得更大，會作出更嚴重的行為以滿足性慾，「例如會非禮女性，甚至進一步嘅性侵犯。」

第一手消息請下載on.cc東網iPhone/iPad/Android/Windows Phone Apps