醜女一身侍三夫 政棍無恥過街鼠

呢，有團體近日調查市民對七十位立法會議員嘅評分，結果又係慘不忍睹，得九個合格咁大把，特別係反對派政客，得分繼續插水之餘，更加喺直選議員同超級區議員中包艇。大家估吓邊個係議會「低分王」？冇錯嘞，之唔係有份收淫媒大亨淫賤黎政治獻金嘅工黨主席李卓人囉。

講真，李卓人喺一眾政棍中「脫穎而出」榮膺低分王，真係實至名歸。佢身為工會領袖，呢頭話為打工仔爭取權益，嗰頭瞓身撐佔領，拖累香港經濟，搞到工人冇啖好食，已經神憎鬼厭啦。點知佢除咗受本地嘅淫賤黎供養，轄下職工盟仲有美國佬呢條大水喉射住。話時話，佢一個人食三家茶禮，同一個又醜又賤嘅女人同時侍奉三個丈夫無咩分別，都係咁寡廉鮮恥嘅咋。

講開食幾家茶禮，同樣有收淫媒錢嘅公民黨梁家傑都唔好得幾多，得分跌幅只係僅次李卓人。大家應該記得之前金鐘清場，成班泛民政客圍住淫賤黎博拉，組成一幅令人作嘔嘅「群醜拱照」圖，到底佢哋係為市民定係淫媒打工，畫公仔唔使畫出腸嘞啩。

當然啦，即使有啲政客未被踢爆收黑金，其實都係不務正業，專門搞搞震，又點瞞得過市民雙眼吖。好似有「AV仁」之稱嘅何俊仁咁吖，得分好似佢身高咁，今次已經係第六度蟬聯超級區議員嘅包尾大幡。鬼咩，佢老哥淨係掛住喺議事堂睇AV，邊有時間做正經嘢吖。咁都唔止，佢最近仲事先張揚「變相公投」博出位，唔畀市民鬧爆至奇喇。

總而言之，呢班為反對而反對嘅政棍都係一擔擔，明明市民唔想香港亂，佢哋偏偏支持違法佔領；明明市民支持政改袋住先，佢哋偏偏阻頭阻勢，呢班人一日佔據議事堂，香港想唔沉淪都難喇。

真係諗極都唔明，香港自詡法治之區，點解反對派政客涉嫌違法佔領，當局竟然冇佢哋符呢？點解唔上門拉人，仲要搞乜鬼「預約拘捕」呢？一句講晒，政棍不死，港難未已，既然港府驚咗搞事政客背後嘅洋人，奈佢哋唔何，惟有用民意懲罰佢哋。下次選舉，市民都係時候出動大掃把，將啲破壞王掃入堆填區嘞，叮！