深水埗區議員Vincent鄭泳舜同太太，即藝人胡杏兒嘅家姐胡可兒結婚多年，合共生咗三個囝囝，要同時維繫夫妻、父子相處之道認真唔容易。Vincent話每朝都堅持六點半起身送三個囝囝返學，把握時間同佢哋傾下偈，又透露三個囝囝性格各有不同，因此每個星期日都會單獨帶其中一個囝囝出去食早餐，同佢哋傾下男仔心事。

鄭泳舜堅持每朝早都送三個囝囝返學，把握溝通相處時間。（受訪者提供）

雖然結婚多年，兩公婆間中亦會浪漫一番。

Vincent舉例指大仔性格較文靜，佢通常會用囝囝嘅興趣打開話匣子，例如打波、機械人同埋地圖等，強調依家唔可以單靠說教方式同囝囝相處，有時要企喺佢哋嘅角度諗下，咁先係有質素嘅相處。

至於夫妻間嘅相處之道，Vincent話自己同太太嘅共同興趣係跑步同行山，並指即使同太太結婚多年，有時都會花啲心思製造浪漫！

第一手消息請下載on.cc東網iPhone/iPad/Android/Windows Phone Apps