SUN搞作：SUN官場現形記：神童咁易見咩？
幼稚園工作紙問整餅，要求食物同原材料配對，小朋友邊度會識，呢日就拎住張工作紙去問教育局局長吳得掂。
吳得掂︰小朋友，你今年幾多歲？
小朋友︰五歲。
吳得掂︰五歲？無可能唔識喎，有啲同你同年紀嘅人，已經熟知時事。
小朋友︰咁局長你答我，饅頭係用高、中定低筋麵粉整嘅？
吳得掂︰……呢條唔算，問過第二條。
小朋友︰咁內地羊肉串又係用乜嘢整？
吳得掂︰想跣我？內地最興掛羊頭賣狗肉，所以係狗肉整！
小朋友︰錯，你都唔符合國情嘅，內地係掛羊頭賣鼠肉先真！
吳得掂︰@##$$$%%%
