政壇：政府抽議程爭設創科局

受到二月中嘅農曆年假期、二月底嘅預算案同三月北京兩會影響，立法會財務委員會喺本財政年度僅餘下數次會議，加上泛民持續拉布，勢難處理完所有餘下嘅撥款申請。財經事務及庫務局尋日突然去信財委會，提出會抽起其中四項涉及資訊科技教育、更換水警輪及購買消防車嘅議程，僅餘下調高漁業發展貸款基金承擔額，以及兩項有關增設創新及科技局的撥款申請。該局同時要求財委會喺餘下兩個月加開會議，加緊審議該三項議程，意味政府傾力爭取喺本財政年度內正式通過成立創科局。