政壇：田二少湊孫放狗一腳踢

立法會公務繁忙，做得議員就要有心理準備要犧牲私人時間，所以一有假期，好多議員都選擇同家人外遊充電兼敍天倫。不過，亦有議員識得忙裏偷閒嘅，好似半年前榮升外公嘅新民黨「田二少」田北辰，尋日就帶同精靈可愛嘅半歲大孫女去海邊玩，順便拖埋隻狗仔散步。

田二少又要孭住孫女又要拖住隻狗，認真唔容易。（互聯網圖片）

不過，又要抱孫女又要拖住隻狗，認真唔容易，田二少就話全靠有條「孭帶」，可以零距離同孫女接觸，又可以騰空兩隻手出嚟，一路抱孫一路帶狗仔散步，享受微暖陽光，吹住陣陣海風，田二少其後又話應該頒個發明獎畀發明「孭帶」嘅人，聲稱當年佢做老竇時，都唔見有呢種設計喎。