28B上山不停站 害苦居民
彩福邨建於山上且不設街市，居於該邨的李婆婆每日往牛頭角街市購物皆會乘搭九巴28B，但同時又面對「落山容易上山難」的困局。李婆婆指28B來回路線不一，落山時可於振華苑落車，但回程卻要步行回邨，「同一條線來回程啲站應該差唔多，但偏偏回程就唔會停牛頭角，只會停樂華同彩霞，搞到啲老人家撐得好辛苦！」
九巴28B行走彩福至啟業，因回程不停牛頭角被指不便居民。
九巴發言人表示，28B來往啟業與彩福，行走路線由開線以來沿用至今。發言人強調，該線往啟業方向於振華苑設有分站，至於回程方向則因振華道屬下斜道，加上轉彎位多與路面狹窄，基於安全考慮認為不宜加設分站。
「振華道唔得唔緊要，我都建議過用牛頭角巴士總站，但佢哋又話行車時間會長咗所以唔得，其實兜入個站可以耐咗幾耐呢？」當區區議員顏汶羽指出，牛頭角有多項民生設施，居民經常選用該路線前往，因28B「有落冇上」而令路線的實質效用大打折扣。
