SUN焦點：轉行做保安 穩定兼舒服
「唉，捱得咁辛苦都係搵得個幾百蚊，轉行做保安員好過！」的士租金高企，乘客減少，令不少的士司機的營運成本增加，不少的士司機大嘆生意難做，部分更已經轉行。
的士司機工作不穩定，又缺乏保障，令年輕人卻步。
不少司機情願於車廂內進食，爭取時間載客。
的士司機陳先生表示，的士平日日更租金，由三百六十元增加至四百元，營運成本增加，加上經常塞車，影響生意，扣除成本，所剩無幾。「每一更賺得幾百蚊，收入又唔穩定，好少新人入行，搞到我哋好難搵到替更，試過有行家頂埋紅日，一個星期開足七日工，冇時間休息，身體多處出現毛病。」
由的士業轉行做保安員的李先生慨嘆，不少行家都感到的士業前景暗淡，已轉投其他行業，如任職保安員或私人司機。「做保安員同私人司機，雖然都唔係賺到好多錢，但最少收入較的士司機穩定。我依家做夜更保安員，每個月都有萬零蚊，工作環境點都舒服過揸的士，加上又多啲福利保障，所以冇後悔轉行，其實，唔少行家已經轉行。」
