城中鏡：周瑋瑩力撐韓流商機

一年飛首爾幾次購物嘅Jacqueline，舊年飛赴當地同星級化妝師學化妝，眼見身邊名媛朋友每次豪花幾萬港元狂掃化妝同護膚品，佢深信韓國護膚品仍大有市場，年前喺韓國朋友穿針引線下，正洽談引入韓國護膚品牌。

佢又話，雖然有韓國老闆打退堂鼓退出香港市場，但Jacqueline坦言唔擔心，認為只要謹慎定價同揀舖位，生意仍有可為。

朱陳嘉敏深建韓國城

咁蹺同佢老友鬼鬼嘅觀瀾湖集團副主席朱鼎耀嘅太太朱陳嘉敏都睇中韓流商機，打算喺深圳旗下商場開設「韓國城」，大賣韓國衫褲鞋襪、化妝品，仲開埋食肆添！朱太計過條數，發現愈嚟愈多韓國人去內地打高爾夫球，整番個「韓國城」，應該吸到財喎。