已故大律師周啟邦嘅兒子Brandon周國豐，尋日出席詠春師傅江志強武館喬遷之喜，佢話跟江師傅學武已經五年。熱愛武術嘅佢懂得多種武術，例如北少林拳、跆拳道同劍擊等。咁有冇傳授武術畀囝囝？佢話：「囝囝學緊跆拳道，綠帶嘞，佢好鍾意，佢個人好活躍，大個咗會教中國傳統武術。」

周國豐（右）同江志強師傅齊出力宣揚武術精神。

Brandon與同樣醉心武術嘅王嘉恩創立香港國術總會，一直希望把中國武術宣揚出去，仲透露早前去咗福建北少林寺參觀，又話江師傅將會推出武術書，發揚武術精神：「江師傅會訪問三十幾位武林名師，分享對武術嘅心得，我會喺訪問部分幫手錄影。」

傾到情人節點樣同老婆黃泳霖慶祝？佢話：「有驚喜畀太太，預備咗，但仲喺個腦度，佢生日、情人節同聖誕節都好近，成日都要諗三樣嘢慶祝。」會唔會係去旅行當情人節禮物呀？佢就話二月全家會同朋友去瑞士滑雪喎。

第一手消息請下載on.cc東網iPhone/iPad/Android/Windows Phone Apps