燈油火蠟樣樣錢咪以為賺梗
【本報訊】對於有熱心人士捐出地舖管理權給非牟利協會，再以月租一元租舖協助年輕人創業，市民反應不一。有市民認為此舉可助年輕人「發個老闆夢」，增加實戰經驗，但有在「一元舖」附近經營食肆的租戶認為，飲食業「唔易做」，除了租金，還需面對食材、人工和水電費等成本，如年輕人沒有經驗便胡亂投資，想成功可謂「天方夜譚」。
有促進作用
Jimmy：熱心人士捐舖的租用權畀非牟利協會再以月租一元租出舖位，可助年輕人發個老闆夢，對創業有促進作用。
李先生：沒有經驗的年輕人想創業開食肆是較為困難，需要兼顧不少濕濕碎碎嘅嘢先至能夠捱得住。
從事營運採購的Jimmy認為，上海街二十八號二號舖的地段不算絕靚，但如果每月只需交一元租金，也是新的動力，值得一試：「好多有心創業嘅年輕人因為租金太貴而唔敢試，依家起碼可以畀佢哋發個老闆夢，無論成功與否，亦可助年輕人吸取經驗。」
食材人工開支勁
在「一元舖」附近經營韓式家庭菜的金小姐指出，餐廳每日有幾十名顧客光顧，舖位所處路段適合做食肆，人流亦不錯。不過，同樣在附近經營粥店的李先生則不太看好前景，認為該處人流不多，他的店舖亦以熟客為主，說即使年輕人只需付一元租舖開食肆，仍要面對食材、人工和水電費等高昂開支，「做生意唔係一定賺，你冇口碑、冇熟客點經營？到時蝕咗又點填番條數？」他指飲食業不易經營，除非有相關經驗，否則貿然創業，想成功是「天方夜譚」。
