SUN搞作：少膽虫手記：今日dry唔dry

「阿虫，今日dry唔dry?」拎起電話，又係淫賤黎問埋啲無聊嘢，但本虫受人二分四，幾無聊都要應酬：「腦細，今日風高物燥，梗係超dry啦！」點知淫賤黎一聽就爆晒粗：「懵x！我問你今日啲新聞dry唔dry呀！成日叫你哋作好啲新聞，加鹽加醋要成桶倒落去吖嘛，啲報道唔夠鹹唔夠wet，點吸引讀者呀！」

一輪炮轟，少膽虫如夢初醒，真正認識到淫賤黎以誨淫誨盜作新聞為天職，本虫畀腦細省鑊甘後，亦決定洗心革面，徹底將傳媒操守丟埋一邊。我夠膽講，只要有淫賤黎同少膽虫喺度，《爛果》一定繼續反中亂港、宣淫販賤兼教壞細路，大家放心。