政壇：慢必議辦密冚V煞面具
人民力量立法會議員陳志全（慢必）算係激進派之中較斯文嘅一個，好少見佢有咩激烈行動，但有讀者最近發現，慢必嘅將軍澳議員辦事處門外，擺放咗多個紙皮箱，其中一箱竟然寫住係「V煞面具」，仲用帆布遮住，神神秘秘咁，唔通慢必計劃號召大批V煞展開特別行動？
陳志全的將軍澳辦事處外擺放大批V煞面具，唔知咩人需要呢批物資呢？（讀者提供）
陳志全
慢必話，其辦事處向來有「轉運站」作用，每逢附近居民有咩唔要，就會轉送去佢辦事處，之後佢會諗辦法分發畀有需要人士。不過，到底咩人送咗一大堆V煞面具畀慢必，而佢又想將呢批面具送畀咩人呢？慢必就話總之係有心人送贈啦，而人民力量經常舉辦一啲「只送不賣」活動，遲啲可能將面具派畀街坊。唔知啲街坊收到啲V煞面具有乜反應呢？
慢必仲話，帶V煞面具可以有好多種解釋，如果硬係有人認為戴上V煞面具就等於有衝擊行動，咁佢都無辦法，但人民力量絕對唔怕被人扣帽子喎。
