火炭：車房違泊行人路警執法不力
「離晒譜，將啲私家車成日都泊喺行人路，有咩理由阻住人行又冇人理。已經泊咗好耐，又唔見有人嚟抄佢哋牌！」劉先生指出，懷疑有汽車維修店常將車輛停泊於火炭桂地街，不滿警方視而不見。
警方證實涉事地點為違泊黑點，承諾將加強執法。
警方發言人表示，沙田警區一向重視區內交通問題，上址為當局已知的違泊黑點，警方已囑咐前線人員加緊巡查，特別向在行人路違泊的車輛嚴厲執法，亦已警告有關汽車維修公司勿將待修車輛停泊在行人路上。
劉先生認為警方現有執法仍有不足，要求加強執法力度，杜絕上址的違泊問題。
「都已經話係違泊黑點，泊咁耐都淨係警告，我覺得警方應該要強硬啲，唔係佢哋只會一路繼續泊。」
