城中鏡：輸入外勞減成本 黃永光施榮懷唱好

近年嚟香港不斷起樓，但成日都話唔夠建築工人，亦推高建築成本，所以施政報告就提出放寬建造業外勞嘅工作限制，結果惹來勞工界呱呱嘈。前晚喺馬場遇到信和置業執行董事Daryl黃永光同中華廠商聯合會永遠名譽會長Irons施榮懷，兩人都異口同聲對建議讚好。Daryl話香港房屋需求一向熾熱，輸入外來建造業工人，可以降低建築成本，對市民置業有一定幫助。Irons就認為輸入外勞係一項符合香港情況嘅政策，有助解決建造業工人荒嘅問題。