SUN搞作：SUN官場現形記：洩密
市民喺街中呼天搶地大叫，嚇襯經過嘅衞生署署長儀儀，儀儀問吓發生乜事，點知原來又畀人鬧。
儀儀：因咩事慘叫？
市民：我呢鋪咩私隱都冇晒啦！
儀儀：吓，做乜咁唔小心？
市民：仲好講，身份證號碼、住邊度都畀人知道……
儀儀：真係唔好彩，咁我都幫你唔到。
市民：（儀儀欲轉身離開。）
市民：想走？依家玩卸膊呀？
儀儀：乜呀，又關我事？洩私隱就搵私隱專員公署幫你啦，唔好煩我。
市民：弊在係健康服務中心唔見學生申請表，我啲資料喺晒入面，仲唔係畀人睇晒？你點負責呀？
儀儀：**@^%#!!@!!!
