衞生署九龍灣學生健康服務中心遺失一間中學約八百名學生嘅健康服務申請表超過三星期，延至前日先公布。遺失嘅表格內，記錄咗學生多項個人資料，衞生署聲稱已報警及通報個人資料專員公署，並對事件道歉。呢次事件反映衞生署欠缺保護私隱嘅意識，遺失學生個人資料固然失職，延報三周更令人懷疑係咪有心隱瞞塞責，署長陳漢儀呢鋪孭晒鑊，公眾對佢亦失晒信心。
陳漢儀
