政壇：當年救命棄QQ李黎軍嘆走寶
最近聽聞有個人十幾年前借咗五十萬元人仔畀騰訊主席馬化騰，之後收番全數還款，但就一直後悔到依家。話說當年呢個內地IT財俊同馬化騰喺同一幢樓做嘢，馬化騰四圍撲水，想將公司賣畀新浪搜狐，點知冇人吼，最後就向佢借咗呢筆五十萬救命錢。然而，佢錯就錯在當年嫌棄QQ，唔接受馬化騰以騰訊股份當還款，如果唔係，依家都唔知賺咗幾多百倍回報囉。呢個財俊名叫李黎軍。
馬化騰
如果新一代型嘅定義係名牌大學畢業、創立到間成功嘅公司（\plainstartup）同有錢，李黎軍絕對係。李黎軍畢業於清華大學，曾經係深圳十大傑出青年，後來創立咗內地知名互聯網增值業務公司傲天，亦係個天使基金投資者。
佢幾年前推出咗嘅手機App「航班管家」，提供航班查詢、機票、酒店預訂等一站式服務，依家已經係內地最受歡迎嘅旅遊App。
