城中鏡：雷禮權買電跑 環保兼抵玩
「九巴後人」雷禮權同太太利蘊珍，早前陪埋囡囡雷正殷飛咗去法國參加一個盛大嘅晚宴，而囡囡當晚嘅舞伴仲係法國貴族嚟添，囡囡仲話雙方跳得合拍之外，仲好投契。
雷禮權讚新車慳錢又環保。
咁蹺喺前日中午時分，我哋喺中環遇到雷禮權準備去香港會所食晏，見佢精神爽利。即時捉住問佢最新有乜新搞作？佢透露最近訂咗件「新玩具」，就係最新款嘅美國Tesla電動跑車，即係之前我哋報道過立法會議員陳克勤試駕嗰款車，售價約一百萬元。雷禮權話新車將喺八月到港，佢當然好期待啦，仲大讚部車每次充電只需五十元，充一次電就可以駕駛到三百公里，環保之餘，每年仲可以幫佢慳十萬元油錢。
