城中鏡：王英偉赴美 公幹兼度歲
下個月十九日就係農曆正月初一，農曆年假期亦係政界中人外遊充電嘅旺季，香港藝術發展局主席Wilfred王英偉同太太簡美蓮早前現身中環香港會，同朋友食完午飯後離開，Wilfred話下月農曆新年假期就會出門去美國，事關佢喺當地有經營生意，會順便帶埋太太同家人一齊周圍去玩。
王英偉同太太會去美國度歲。
當問及早前聖誕節同元旦假期有冇外遊時，Wilfred就話冇，忙住埋首工作喎，不過都有忙裏偷閒，好似聖誕節期間就帶咗一班朋友去佢位於山頂嘅屋企開派對慶祝，一同感受吓佳節歡樂氣氛。
