零售價升10%每斤售60元
【本報訊】「有得食新鮮雞就好開心！」本港停售活雞十一日，昨終有三千二百隻本地活雞應市，有雞販幸運獲「配給」五十隻，數目比以往少近半，每斤零售價升一成至六十元，但仍無損市民吃新鮮雞的「鍾情」，早早來電預訂，遲來者向隅。
貴都照食
馬先生（九龍城街坊）
預咗成千蚊買雞，最後用咗510蚊買三隻，始終新鮮雞有營養啲。有得食就食咗先，冇咪食冰鮮雞囉。
許伯（九龍城南記飯店老伙計）：知道今次供應緊張，冇睇價錢就入咗十幾隻先，貴都冇計，做街坊生意定價都未有變動住，都係賣三百蚊一隻。
打鼓嶺臨時檢查站昨首天運作，運雞車要走多區，運送路程較遠，令九龍城街市雞販玲姐遲了一小時才有雞賣。她說，雖只獲五十隻，較平時約八、九十隻少，但「好過一隻都冇」，又指活雞批發價較平時上升兩成，故亦將零售價酌量增加一成，每斤售六十元。雖停雞令生意額整體下跌六成，但她樂觀地希望本地活雞供應量可慢慢增至每日六千隻。以往她的雞檔進口兩成內地活雞，但因內地活雞染H7N9停供港二十一天，流失一批愛吃清遠雞、浙江雞的顧客，令生意受損。
因停雞令生意大跌一半的雞販梁太，要求員工在過去十一天輪休，「冇活雞少咗工作，惟有叫佢哋放假。」她昨獲六十三隻活雞應市，開檔不足兩小時已有十多張訂單，銷情非常理想。她說，昨出售的全是適齡雞隻，約重兩、三斤，每隻售價約一百八十元至兩百元不等。
市民510蚊掃三隻雞
因活雞數量有限，市民馬先生一早到九龍城街市，以五百一十元「掃走」三隻活雞。他說一家人都愛吃新鮮雞，加上有長者出院返家休息，要「斬料」慶祝。至於會否擔心禽流感肆虐，他認為是天意，「有得食就食咗先」。市民羅先生「格價」後，見嘉美雞由每斤七十元升至七十八元，覺得「淡市唔值呢個價」而放棄選購，他盼活雞供應穩定後，可吃平價雞。
九龍城南記飯店的老夥計許伯昨到街市「揀靚雞」，他說，餐廳以往每日買約十五至二十隻活雞款客，停雞期間只能售賣其他禽類菜式，如滷水鵝等。
