元朗：九巴突取消269D分站

「個分站擺咗喺度咁多年，我日日放工都係喺度搭269D巴士返屋企，點解無啦啦會取消咗？」黃先生習慣在元朗同樂街分站乘搭來往天水圍天富及沙田瀝源的九巴269D線，早前發現分站突被取消，需步行至谷亭街才有另一分站，要求九巴解釋無故取消分站的原因。

九巴早前取消269D線設於元朗同樂街的分站，以紓緩擠迫情況。

九巴在接獲本報轉介一個月後始作回覆。發言人解釋，由於同樂街分站設有十多條巴士線，以致非常擠迫，為配合運輸署改善元朗大馬路路線的交通流量，269D線於早前取消於同樂站停站，受影響的乘客可步行至谷亭街或喜利街候車，該兩個車站的候車環境會較寬敞。