名媛郭志怡前晚以身穿金色套裝現身一個大型除夕Party，邀請咗好多朋友出席，唔單止貴氣十足，仲有皇氣添，事關來賓當中仲有王族，包括泰國公主Ubolratana Rajakanya（烏汶叻）。公主駕到，郭志怡當然禮待有加，招呼周到，仲走嚟走去介紹身邊嘅朋友畀公主認識添！當晚在場一眾來賓都玩得好盡興。

以金色套裝參加派對嘅郭志怡，貴氣十足。

郭志怡（左）喺社交網站上載同泰國公主嘅合照。

在場仲見到「玩具大王」蔡志明嘅女兒蔡加敏同老公馬鴻銘，佢哋話仔女都留喺屋企，唔會嚟嘞，仲笑言「今日係二人世界」。問到細佬蔡加讚同太太汪圓圓會唔會一齊嚟倒數？加敏就話唔會嘞！

第一手消息請下載on.cc東網iPhone/iPad/Android/Windows Phone Apps