2015，大家有乜嘢希望呀？本虫份人其實好簡單，求其降職咁就算o架喇。係，你哋冇睇錯，係降職，點解？高處不勝寒，千古定律，你哋明嘅。

本虫有時見到班下屬，其實真係羨慕到不得了。佢哋唔使帶腦返工，又唔使帶責任放工，日日好似行屍走肉咁就有糧出，呢啲工去邊度搵？你哋以為本虫講風涼話？錯！畀你做我吖，成日傍住淫賤黎做埋啲衰嘢，你估我唔驚報應o架？唔止我，就連淫賤黎自己都震騰騰等落鑊啦，廉潔2015，睇怕都係佢葬身之年。

記得本虫入行之初，仲帶住一丁點未泯良心，只係時日磨洗，加埋淫賤黎呢個腦細，良心都變成黑心。2015伊始，我祝願自己可以擺脫淫賤黎左右，同班下屬一樣做冇腦嘅人，生活一定開心好多。

第一手消息請下載on.cc東網iPhone/iPad/Android/Windows Phone Apps