港隊焗赴外地訓練
【本報訊】香港首個正規室內單車場的將軍澳單車館啟用以來，曾經在館內受訓的車手有讚有彈，前港隊單車隊主力胡健燊坦言賽道整體確實感覺「麻麻哋」，但他認為維修後未必會有驚天改進，而且為免影響香港隊訓練，理應選擇場地賽季結束後才封館維修。另外，香港單車隊為了備戰即將舉行的世界盃單車賽事，現正在雲南昆明集訓。
曾代表香港出戰○八年北京奧運的胡健燊，在將軍澳單車館落成前後都多次獲邀「試場」，他指賽道基本「係可以嘅」，但木板賽道有些位置做得不夠細緻，出現凹凸不平和罅隙：「我聽過其他車手的評價都係一般，總括而言並非一個高質素嘅『鑊場』。」
阿燊又說：「其實維修後亦未必有很大改善，難道要拆完再重起嗎？再者當初興建呢個『鑊場』係為咗讓港將多留喺港訓練，但國際場地賽賽季正如火如荼之際竟然封館，要港隊長期出外集訓，豈不是得物無所用？」
以「牛下女車神」李慧詩為首的香港單車隊，現正身在昆明冬訓，備戰本月中的世界盃場地賽及下月底的世界錦標賽。
