到咗年尾，又係埋單計數嘅時候。港台尋日票選年度風雲「（火羅）」人，其中被指為佔中「幕後黑手」兼泛民主派金主嘅壹傳媒集團前主席黎智英（肥佬黎），以及收取肥佬黎捐款後「袋住先」嘅工黨立法會議員李卓人，就奪得風雲（火羅）人第二位。原本兩人因為政治捐款醜聞及佔領行動而被捕，已經（火羅）到頂點，但奇怪得票只係得第二位。反而年中以立法會財務委員會主席身份，強行通過新界東北前期工程撥款嘅金融界議員吳亮星，就登上風雲（火羅）人第一名，實在令人大惑不解。
