城中鏡：楊永仁做生招牌 分享駐顏「參」得
「洋參大王」兼恒發洋參主席Matthew楊永仁喺上環嘅新舖尋日開張，Matthew話野生參好珍貴，公司VIP客戶幾十萬咁入貨，佢話醒目嘅投資者已經買定好多庫存，恒發打算明年一月十五日起以京東商城作銷售平台。佢仲話依家內地網購比香港先進，未來會重點開拓網購市場，產品會先主打洋參同野生參。
楊永仁話未來會重點開拓網購市場，產品會先主打洋參同野生參。
據Matthew介紹，依家恒發VIP會員超過一百人，佢期望未來兩年會超過五千人。為應付需求，佢話公司未來會再購入一間約三千呎嘅工廠，預計一月份成交。
見佢容光煥發，睇唔出已經年近半百，佢好受落咁話：「好多朋友都話我似三十幾四十歲！」仲即時分享平時食野生參保養嘅心得。提到內地反貪腐，佢認為對公司冇太大負面影響，因健康食品市場有別於奢侈品喎。
