喺尋日午後時間，我哋喺中環名人經常出入嘅香港會，撞見財經事務及庫務局局長陳家強，見佢行色匆匆，一行出門口就忙於打電話，睇落好唔得閒。

陳家強食完飯急急腳趕返工。

我哋即刻走上前，捉住佢問起聖誕同新年嘅假期有冇出埠玩？佢就話近排好忙，所以決定留港消費，仲話留番喺香港幾好添！

財爺放假幫睇檔

前幾日財爺鬍鬚曾話聖誕冇出去玩，事關要忙於閉關度橋寫財政預算案，咁啱財爺尋日開始放假，由陳家強署理財爺職務，難怪陳家強話好忙，就算佢唔係要幫手度橋等份預算案出街靚仔啲，都要幫鬍鬚曾睇住檔攤喇！

第一手消息請下載on.cc東網iPhone/iPad/Android/Windows Phone Apps