呢幾日聖誕假期行吓街，除咗見到周圍都掛滿五顏六色嘅聖誕裝飾之外，仲畀我哋發現創興銀行個logo都趁聖誕換咗新衫，前面加咗兩個好sharp醒嘅橙色英文字「YE」，真係成個young番晒。

創興銀行加咗英文字「YE」在logo上。

創銀雖然今年二月已經加入越秀集團，但尋日先正式公布換咗新logo。本來個logo就只係得「創興銀行」四個黑色標楷體大字，再加一行英文名，其實望落都好秀氣，但又真係齋咗些少囉！

換咗新衫就唔同喇，黑白logo前面加咗兩個好有時代感嘅橙色英文字「YE」，「Y」就梗係嚟自越秀個英文名啦，而「E」就嚟自英文「Excellent」嘅字頭，夾埋就係「不斷超越，更加優秀」咁解，遠睇仲成隻飛緊嘅雀咁。

第一手消息請下載on.cc東網iPhone/iPad/Android/Windows Phone Apps