政壇：套現10億廖偉麟等掃舖

香港樓市持續暢旺，東華三院總理廖偉麟（Jeffrey）今年密密食胡，成功沽出多項物業，套現近十億港元。受美國加息陰霾影響，Jeffrey相信唔少業主會先沽貨再觀望，所以手上大把「茄薯」嘅佢，打算明年人棄我取，再度出手掃貨。

廖偉麟（左）鍾意炒物業，東華總理李曠怡（右）話要跟佢學嘢。

Jeffrey話，今年最和味嘅投資係銅鑼灣一幢精品酒店，持貨一年，易手後大賺數億元。加上高價出售手上嘅商場物業，利潤豐厚，大可以疊埋心水過肥年。雖然政府出招打壓，但係Jeffrey仍然睇好香港嘅樓市，首選九龍及元朗區一帶嘅商場舖位，貪佢仍然有上升水位，至於近年熱炒嘅觀塘區工廈都有升值潛力。