假期活動多籮籮，香港工業總會青委成員兼玩具公司太子爺潘偉業（Albert）同一班朋友日前就踢夜波，細問之下，先知原來Albert平安夜生日，生日梗係要同朋友過，所以啲兄弟咪約佢踢波慶生日囉。

潘偉業（前排中）同一班好兄弟踢波慶生。

踢波慶生，新鮮啩，之但係球場無雪櫃，大家又要輕裝上陣，唔方便拎蛋糕，惟有幾支香檳補番數。講到生日願望，Albert話，希望囡囡快高長大，最重要係明年添多一個BB喎！雖然呢晚太太鄺晶晶未有現身，聽聞佢早已買定一隻名貴手錶畀老公，壽星仔梗係開心。

第一手消息請下載on.cc東網iPhone/iPad/Android/Windows Phone Apps