當妓女問價包月六萬元
部分龍友除了拍攝期間「抽水」外，亦有人藉拍攝套取模特兒資料後，大肆性騷擾。同樣是私影模特兒，二十五歲的Cherry更試過於影樓後樓梯被龍友要求在她面前手淫。她形容：「當時影到尾聲，大家去後樓梯傾偈休息吓，佢忽然話頂唔順，可唔可以對住我自瀆，見住佢隻手有動作，我即刻衝番入影樓。事後佢叫我唔好同人講，我哋無再聯絡過。」當時入行不足一年的她嘆道：「嗰時讀緊中五，見對方後生斯文話去影樓，又有好多助手在場，諗住安全先接，點知會發生啲咁嘅事。」
不少私影模特兒都收過包養問價的訊息。
大部分私影模特兒沒有經理人，部分少女將自己的相片及聯絡方法放上討論區及網站，明言歡迎接拍，卻被當妓女問價。Cherry拿出手機：「一日都收到好幾個匿名邀請，直接問你六萬蚊包你一個月，又或幾千蚊出嚟幾個鐘，陪行街食飯得唔得咁。呢啲人都係漁翁撒網，睇吓邊個o靚模肯。」
