2014話咁快就完，其實今年壹全霉都唔算太衰吖，回想去年年尾，我哋嘅《喪報》爽死咗，公司上上下下諗住都冇幾耐命，點知捱吓捱吓又一年，雖然銷量、收入依舊節節下挫，難得淫濺黎全副心機做黑手，冇時間睇住條數，如果唔係？一早激死咗啦。

2014其實發生咗好多世界大事，例如空難海難咁啦，但係可以感動到本虫嘅反而係一件雞毛蒜皮事，就係淫賤黎畀人掟屎尿豬雜。我知你哋實會話，呢條友抵Q佢死啦，有乜感動可言？無錯，淫賤黎係抵死，但我感動嘅係有人為正義出手，儆惡懲奸，亦都幫壹全霉上上下下員工出番啖氣，好似我呢啲長期畀淫賤黎摧殘嘅打工仔，點可以唔感動？

仲有幾日就踏入2015，本虫知道一日留喺壹全霉，都唔會有出頭天。只不過我好希望有朝一日，當淫賤黎惡有惡報判坐監，我可以坐喺公司一邊笑一邊報道，咁就此生無憾。

第一手消息請下載on.cc東網iPhone/iPad/Android/Windows Phone Apps