SUN搞作:SUN官場現形記:無希望
天下毛毛細雨,運房局局長炳炳,見到有年輕人唉聲嘆氣,上前問問所謂何事,一開口反而令年輕人愁上加愁。
炳炳︰後生仔,做乜嘢咁愁呀?
年輕人︰唉,人生無希望……
炳炳︰你仲咁後生,點會無希望?希望在明天。
年輕人︰日日都咁多人排隊拎新居屋申請表,明天請早都唔會有用啦!
炳炳︰咁……
年輕人︰你話喇,無瓦遮頭,點會唔愁呢?
炳炳︰哦,咁簡單啦!
年輕人︰你有計?
(炳炳舉傘為年輕人擋雨。)
年輕人︰你又話簡單嘅,你依家做緊啲乜嘢?
炳炳︰依家落雨,你都係想有瓦遮頭,我咪幫你擋擋雨囉。
年輕人︰@##$%%^