喺前晚嘅平安夜，見到九巴後人雷兆光同太太雷林靜怡一家五口現身香港文華東方酒店，個個都笑容滿面，唔知佢哋一家人係嚟食聖誕大餐抑或係參加聖誕party呢？無論係邊樣都好，佢兩個囡囡都係以一身紅色打扮，頭上仲戴上聖誕頭飾，相當應節。
雷兆光一家五口留港慶祝聖誕節。
問到會唔會趁聖誕假期出國旅行？雷生話唔會出國嘞，留喺香港慶祝。問到雷太收咗聖誕禮物未？佢笑住話：「未收到呀，睇吓今晚邊個做聖誕老人，希望今晚有啦！」
