泛民主派喺立法會展開不合作運動，令關乎民生嘅多項撥款申請，例如公務員加薪及低收入在職家庭津貼等，仍未獲立法會財委會開綠燈，職工盟轄下十七個屬會早前發起聯署，要求政府調動財委會嘅議程，畀公僕加薪呢類冇爭議性嘅議程先審議。其實，身兼職工盟秘書長嘅立法會議員李卓人都係拉布始作俑者之一，佢哋與其要政府調動議程，不如叫停拉布仲實際。選民嘅眼睛係雪亮嘅，再係咁拉布落去，必定「票債票償」。
