「阿虫，壹全霉要有啲新噱頭先掂，如果唔係實玩完！」但聞淫賤黎有此諗法，本虫即刻亂吹一通：「腦細，你做開搞屎棍，梗係大把好橋，呢鋪掂呀！」

淫賤黎畀我吹到滿心歡喜，忽發奇想道：「我哋壹全霉唔可以故步自封，自從佔乜佔物之後，我同班飯民接觸多咗，先知道污穢嘅政客角色最啱我，所以我打算組黨殺入政界，到時淫風四起送遍八方，咁先不負淫賤之名！」

本虫一聽真係嚇到蜷縮，淫賤黎再九噏廿四：「阿虫，黨魁個位我預咗畀你坐，有我背後支水喉射住，三五七日收吓捐款咁，大把着數喎！」本虫疑惑：「我做黨魁，腦細你做乜？」淫賤黎意氣風發咁話：「我梗係做教父啦！我組黨，當然要叫黑手黨，唔係點連戲呀！」

第一手消息請下載on.cc東網iPhone/iPad/Android/Windows Phone Apps