市民對住教育局局長吳得掂唉聲嘆氣，猛咁搖頭，究竟所為何事，一齊睇吓。

市民：你唔好做教育啦……

吳得掂：唔得，我對教育咁有熱誠，唔可以唔做！

市民：有個局仲啱你做，「遊埠局」吖。

吳得掂：……唔好誤會，我有解釋點解外訪o架，係教育用途呀……

市民：係咩？至弊愈解釋愈衰，真係愈「問」愈傷心。

吳得掂：唔解釋又話我默認，解釋又話我衰，咁難搞o架！

市民：你話陪學生去比賽，係倣效其他國家，仲畀到支持學生，咁支持係咪一定要一局之首去先？咁樣威啲o架咩？

吳得掂：有我陪學生去點都威啲啦，香港都有面啲啦！

市民：縱容你外訪使咁多錢，冇面就真喇！仲威！

吳得掂：&*@@*^&%!!!!

第一手消息請下載on.cc東網iPhone/iPad/Android/Windows Phone Apps