「後佔領」時代，青年政策肯定係政府施政未來焦點之一。青年事務委員會被嘲同年輕人思想脫節，主席陳振彬（Bunny）極力否認呢個批評，仲自爆曾多次「易服」到金鐘佔領區同後生仔交流，反指政府唔明年輕人心事喎！

陳振彬

Bunny話，政府內部一直誤判佔領行動源於青年福利不足，即所謂上樓難、冇前景等，但其實現今年輕人唔再停留喺「搵兩餐」就滿足，而係追求民主、自由、公平等精神價值，偏偏政府捉錯用神，以為起公屋、派錢就得。Bunny話自己雖然年紀大，但同年輕人交流分分鐘比泛民議員多，又曾多次落金鐘佔領區同年輕人交流，只係每次都會戴眼鏡兼一身便服現身，因此鮮有被認出或追訪喎！

第一手消息請下載on.cc東網iPhone/iPad/Android/Windows Phone Apps